鮑魚蝦蜆樣樣有👀惹味雞煲打邊爐🥢山林道熊本牛鍋

天氣慢慢轉涼，又係食雞煲打邊爐嘅好日子啦🥢位於尖沙咀山林道嘅熊本牛鍋推出雞煲皇牌套餐，只需258蚊就可以嘆到惹味雞煲、牛小排、牛肩胛、豚肉、自助區多款火鍋配料、汽水茶飲啤酒以及雪糕甜品👀 首先會上一盤和風海鮮雞煲， 雞煲除咗有雞肉之外仲有鮑魚、蝦、蜆、金菇同蕃薯紫薯，配上紫洋蔥，成煲熱辣辣香噴噴充滿架勢，性價比極高🙈個汁嘅味道好香濃好惹味，雞肉嫩滑充滿醬香，然後啲配料吸曬啲汁好好食，特別鍾意番薯同紫薯，係好少係雞煲入面出現嘅角色，配上雞煲汁嘅精華變成粉粉糯糯咁，估唔到同雞煲咁夾，好有驚喜🤪講真除咗平時自己另外比錢加料外，都好少食到有咁豐富配料嘅雞煲😚 當雞煲食到咁上下就會加湯底轉為打邊爐，呢個時候會首先上三碟肉，分別係牛小排、牛肩胛同豚肉，牛肉類係由師傅即場切製，塊塊新鮮又嫩口，好鍾意油脂分佈均勻，牛味足✨試完牛我哋就出去攞咗啲火鍋配料，出面自助火鍋配料種類非常多， 除咗有基本嘅丸類，仲有各種嘅流心丸，例如芝心獅子狗，芝心丸等等，有墨魚滑添✓ 另外仲有餃類、蔬菜、菇菌類同麵類。另外好驚喜係有唔少魚類提供，例如鯛魚下巴、脆鯛魚片同無骨黑魚片，畀機會一班魚控食到好多唔同款嘅魚🙋 飲品嘅種類多到有啲驚訝， 大大個雪櫃兩邊都唔同款塞滿曬😯除咗有多款韓國樂天罐裝飲品，仲有台灣嘅無糖茶、黑糖薑茶等，鍾意養生嘅仲可以試下佢哋自家製嘅冰糖紅棗燉雪耳同夏枯草～食到最後仲可以出去拎雪糕同泡芙， 雪糕入面有少少果肉，好清新，解膩一流👏 皇牌雞煲套餐係包三小時任食，時間十分充足，同班朋友一邊吹水一邊打邊爐食雞煲，慢慢食唔洗趕頭趕命，人生一大樂事呢🤭 #尖沙咀 #打邊爐 #佐敦 #火鍋 #hkig #雞煲 #hongkong #好食 #相機食先 #hkgirl #hkfood #hkfoodie #打卡 #餐廳推介 #食好西 #hongkongfoodie #hkfoodig #foodiehk #hongkongfood #hkfoodlover #food #likeforlike #852girl #foodpornhk #熊本牛鍋 #hotpothk (此文章由U Blog 同步發佈至社群)